https://anker-mea.com/product-recall/

لو معاك باور بانك من Anker فركز معايا كويس! من فترة حصلت بعض المشاكل في موديلات من الباور بانك فشركة Anker عملت Recall او امر استدعاء لكل الموديلات دي. بمعنى لو معاك باور بانك من الموديلات الي هسيبلك اسمها في اول كومنت هترجع الباور بانك وهتسترد الفلوس الي انت دفعتها فيه، حتى لو استعملته سنة. في طبيعة الحال لما يبقى فيه حاجات زي كدا يا بتبقى شروطها تعجيزية زي انهم بيطلبوا الفاتورة او الاستدعاء مش بيبقى شغال في مصر. من حظي ان معايا موديل من الي عليهم الاستدعاء فقولت اجرب واشوف. دخلت على اللينك ده https://anker-mea.com/product-recall/ ومليت البيانات وبيطلبوا منك تصور الباوربانك وجنبه ورقة مكتوب عليها Recall وتاريخ اليوم وترفعها على الويب سايت. بعدها بـ٢٤ ساعة بعتولي ايميل وحد من الوكيل تواصل معايا بعناوين الفروع عشان اسلم الباور بانك هناك (هسيبلكم العناوين في اول كومنت برضه) في الحقيقة أنا توقعت انهم هيرفضوا يستلموه، او في افضل الحالات هيقولولي هنرد عليك بعد ٤٨ ساعة، بس على عكس المتوقع اول ما وصلت هناك استلموا الباوربانك وكمان محدش سأل على اي ورقيات او فواتير وادوني الفلوس ساعتها كاش 2250 جنيه والموضوع كله مكملش عشر دقايق. تجربة إيجابية خصوصًا ان اغلب الضمانات في مصر غير موثوق فيها بس Anker Egypt وEtisal اثبتولي عكس كدا، واتمنى اننا نشوف نماذج زي دي اكتر 🙏